Blaogin’ny Namana Serasera weblog

Archive for Septambra, 2010

Vakansy 2010

Mba niala kely ny toerana mahazatra izahay mianaka t@ ity indray mitoraka ity, mba nitody doha kely tany an-tanindrazana, Izaho moa t@ Mai 2008 no tany farany nanao ‘surprise’ ho an’i Neny ary i Maeva kosa dia efa t@ 2003 no farany tany,

Niainga taty Lille ny 05/07/2010 izahay mianaka ary natory tany Rueil malmaison, ny ampitso atoandro vao naka andra-vorombe, niaraka teny @ seranana nanatitra anay mianaka ihany koa i Hoby,

(ho tantarako ny hitako, nataoko, sy nahafinaritra, nahasorena ahy tany)

Tonga teny Ivato t@ 6/07/10 ary izahay mianaka, nahafinaritra ny fahitana ny andian’ny lehilahy nitsena anay mianaka, tsy iza moa izany fa i dada sy ny zandriko 2 lahy, ny vehivavy kosa, ny vadiny avy dia nijanona niandry anay tany an-trano, Efa tsindrian-daona ery i Maeva fa hoe misy aliaka beh ao @ ndry dadabe, matahotra fadiranovana mantsy izy, nefa dia nahafinaritra azy indray ny nahita sy nilalao an’i Bounty. hafaliana no niarahana e!

NY faran’ny herinandro manaraka indray dia niaraka tà namana serasera aho, nahafinaritra fa tany @ tokan-tranon’i Anarim no nanaovana izany, tonga tany ny namana tratra antso, tsy ny rehetra ihany koa moa no nantsoina fa izay mba mifandraika sy akaikin’ny fo ihany e!. Indreto avy no nasaina t@ izany, ry anarim mianakavy (tompon-trano), avylavitra, ravatorano, glou (prezidà), arymalala, saholy, naritsimba, lobaka, ny tsy tonga dia ry angotiko sy maina (nandeha tany Anjeva nanannn tsy teneniko fa haiko hihihi) ry mamzelkely koa no tsy tonga fa nifanindry t@ raharaham-pianakaviana, dia i tianalove hihih diso daty ikala nefa dia hainy stara fa hoe hihaona, akory atao hihihi, nahafinaritra ny fihaonana, fa ankoatran’ny fifanatsana vao² sy fahasalamana, dia nijery ny cd serasera10 taona izahay, izay mantsy ny voan-dalana nentiko ho azy ireo e! nisy ihany koa moa fitantaràna ‘dessin animé’ t@ izany hihihi, hatrany anaty bus t @izahay nody dia mbola tsy nitsahatra ny” fiomehezana party” vao tsy tapitra mantsy ny tenin’i dadatoa dia indro tonga ilay tsy nampoizinay, euuhhh tsy azoko tantaraina eto daholo hono e!!!! mba misy tsiambaratelo an’ny serasera izany e!

 

Ny herinandro manaraka an’io moa dia nivezivezy eran’Antananarivo izahay mianaka nitsidika ny havana ela tsy hita, tsy afaka nandeha alavitra fa teo ihany koa ny fanoharana akanjo tsy azo nialàna (nohon’ny hajejoana hihihi)

Ny faran’ny herinandro manaraka indray dia niaraka nihaona t@ fianakaviam-be indray izahay rehetra, izany hoe fihaonana isan-taona an’ny teraka izy io, tsy latsaka ny 80 tany ho any izahay mianakavy tafavory teo ( terak’Andrianjafy sy Ranarivao) izay avy @ dadanay ary avy @ lafin-dreniny.

Ny herinandro nanaraka an’io indray dia mbola nivezivezy ihany izahay mianaka, fa ny nahatsikaiky kely dia izao: t@ voalohany izany dia nandray bus miakatra mankany an-tanàna izahay 3 miafy vehivavy, dia ilay zanako tsy dia tena mbola mahalala tsara hoe ahoana ny fitaingenana bus, efa mitaingina bus ihany izy aty Frantsa fa ilay any an-tanàna no tsy hainy loatra, ka navelany hiditra aloha izany ny olona dia niditra izy avy teo, akory anefa ny hagagany fa tapaka hazo izay no nomen’ilay receveur azy hipetrahany,

  •  hataoko aiza ity hoy izy mantsy ahy,
  • iny no hipetrahanao ‘eto’ hoy aho namaly azy ary natoroko azy ny fametrahana ilay ‘seza’
  • haiko izay @ manaraka fa izaho no hiakatra ny fiara voalohany hoy izy

Nahafinaritra fa tsy mba nitaraina ilay zanako nandritry ny fotoana naha tany anay, variana izy ary tonga saina nahita ny mpangataka, ny loto isan-karazany ihany koa eny an-dalàna, tsy mba naharikoriko azy anefa izany, fa hoy izy hoe: ‘mampalahelo ry neny ilay olona, fa maninona raha omena vola izy dia mandeha misasa? dia omenao akanjo madio? tsy ho vitantsika izany hoy aho namaly azy, andraikitry ny fanjakana izany fa tsy antsika hoy aho, satria tsy afaka ny hanao izany @ ilona tokana isika fa tsy maintsy ho avy koa ny hafa, marina tokoa izany hoy izy, fa efa mba misy olona taizan’i dadabe sy bebe ihany ao dia ireo no anaovantsika soa izany, eny hoy aho, atomboka @ manodidina sy olona hay hoy aho ny fanarenana fa tsy atsipy ho very an-kady fotsiny.

Ny faran’ny herinandro nanaraka io indray dia tonga i Hoby,  dia izay vao hoe ‘complet’ ny ekipan’dRajaonarison Jean Edouard, izahay 10 miafy no tafaraka tao an-trano @ izany. izay tokoa mantsy ny foto-dianay 3 mianaka avy aty Frantsa tany an-tanàna t@ io satria dia hampiaka-bady ny faralahinay, ary hankalaza ny faha 39 taonan’ny fanambadiany kosa ny ray aman-dreninay. teo dia mba nanararaotra ny fiarahanay mianakavy izahay mba hitsangatsanganana sy mba tsy hisakafoanana ambony latabatra, izay ny nahazatra anay mantsy rehefa faran’ny ferinandro, fony izahay mbola kely e! ka dia tany Ampefy izahay no nanatontosa izany. Saika handeha hitsidika ny ivon’i madagasikara kinanjo dia tena ratsy loatra hoe ny lalana mankany ka tsy ho tongan’ny fiaranay!

Andro mialohan’ny mariazin’i Ilaidama sy Muriel kosa no nankalazanay mianakavy tao an-trano ny faha 39 taonan’ny mariazin’i dada sy neny, hafaliana ny azy t@ izany satria dia tena tao @ ilay noeritreretin’i neny ny fanomezana nomenay azy. (fatana mixte gaz/ éléctricité)

Tonga ary ilay andro malaza, dia nahafinaritra e! tsy misy ho kianina.

Ny hany mba tsetsatsetsa tsy aritro azo kianina t@ iny dianay mianaka iny dia ny hasomparan’ny jirama, aiza veh ka vao maraina dia tapaka ny rano ary tsy miverina izany raha tsy efa hariva koa ny andro! heverindry zareo fa miaina @ alina angamba ny olona eny Mandrosoa sy ny manodidina fa faiziny rano ny atoandro! NY nanahirana kely ny saiko koa dia ilay fiadiana varotra teny an-tsena rehefa mba mividy ‘souvenir’ ho entina mody aho, dia zara raha mandatsaka anie ny mpivarotra rehefa izaho no mandeha miantsena, nefa rehefa i neny dia mmhhhh azony mira foana ny entana!!!! dia tena hoe arakaraky ny tavanao veh ny hanamorana na hanaovana lafo ny vidin-javatra e!

 

Fehiny, maika ny hiverina ho any Madagasikara indray i Maeva,


No comments