Blaogin’ny Namana Serasera weblog

Fiaraha mientana

Tsy hita ny hambara……………….. izay no azo hanombohana ity lahatsoratra ity, satria tokoa dia zaza niaraka notaizaina t@ zanaky ny tena no namoy ny ainy ny faha 12 /01/2017 lasa teo tanora vao 15 taona monja. Tsy hay faritana mazava ny antony nandaozany ity fiainana an-tany mamintsika ity, fa ny hany haiko dia kepoka aho, gina tsy nahateny raha vao nolazain’ilay ankizy tato an-trano ny vaovao ratsy.

Ny tadidiko hany naverimberiko tao @ efitra fandroana satria tao ao no naheno ny vaovao ratsy dia ny hoe mba miangatra izao Any Ambony any izao, fa dia nahoana loatra re? nipararetra, nangozohozo ny lohaliko, tsy tsaroako mbamin’ny tokony hataoko akory aza, nivoaka avy tao aho dia nandefa SMS tany @ i Max sy Lydia fa tsy ho sahiko akory na ny haheno ny feon’izy mivady aza. Atao ahoana ny ho eo @ toeran ny olona namoy ain-janaka izany? ‘saika’ efa teo ihany koa aho mantsy ka haiko tsara izany, Tompo ô!  Ianao mahay ny fiainanay, mpandahatra anay, nahoana tokoa reh e!.

Tsy hiditra @ antsipirihiny aho fa dia aleo hijanona ho ahy samy irery izany, fa ny fiaraha mientan’ny mpiara belona kosa dia tsy azoko odiana tsy hita, na teo @ mpiara miangona izany, iny moa dia efa mahazatra anay satria dia tanana havia sy havanana izahay ao am-piangonana na ao @ fiangonana FPMA io na ao à fianfonana CCML, fa dia tsapa tokoa izany firaisan-kina izany, fa dia tonga @ ilay fitenenantsika hoe: ‘voin-kava mahatratra’. Tsy nijanona ho irery tokoa mantsy ny fianakaviana fa dia notronona hatramin’ny fampodiana ny razana hatrany an-tanàna.

Nanomana dia mangina ny fianakaviana ho fanomezam-boninahitra ho azy, ary dia tonga nanotrona izany daholo izay olona akaiky nahafantatra na tsia, azy.

Nisy ihany koa ny fiaraha mientana ara-bola izay natao hampodiana ny razana satria na dia eo aza ny Mutuelle dia nangataka ry zareo mba ho aloha mialoha aloha ny vola vao hamerina ry zareo, nefa manoloana ny vola miavosa atrehana dia mbola nisy ihany koa ireo mahalala tanana eran-tany tonga nanotrona ity fianakaviana namoy ny menaky ny ainy, Tsy ho hay ny tsy hisaotra antsika rehetra ny amin’izany, onera be ny lany ary ho hataon ny fianakaviana ho tsara levenana ny maty Tompoko. Raha 9000€ no nangatahan’ny fianakaviana, dia nihoatra lavitra noho izany no tonga tao amin’ilay fiaraha-mientan’ny mpiara-belona, Ny Tompo, anie hitahy anareo.

Ry zareo moa izany avy any Ambatondrazaka, tany nihavian’ilay nenitoako lasana t@ herintaona ihany koa, i Max dia isan’ny nivezivezy tsy sasatra tany @ hopitaly fony ilay nenitoako tany, ary nony lasana izy dia mbola izy ihany koa no niaraka tamiko nikarakara ny fotoam-pivavahana tao am-piangonana ho fanaovam-beloma farany azy.

Maharary ary fery tsy hikatona intsony ny nilaozan-janaka, ny fotoana anie hanamaivana ny fahabangana raha efa nihatra taminao mpamaky izany.

 

Teny kely natolotro ho faampaherezanaa notsongaiko tao amin’ny baiboly:

  • Salamo 73 , 23 :
    Nefa izaho dia eo aminao ihany mandrakariva, mihazona ny tanako ankavanana Hianao.
    Salamo 73 , 26 :
    Na dia levona aza ny nofoko sy ny foko, dia mbola vatolampin’ny foko sy anjarako mandrakizay Andriamanitra.
  • Joba 23 , 14a :   Eny, manatanteraka izay voatendry ho ahy Izy

 

 

 

 


No comments

No Comments It's lonely here, please leave a comment

Leave a reply