Blaogin’ny Namana Serasera weblog

Archive for the 'tsiaro' Category

Tratry ny taona 2014

Tonga indray ity ny taona 2014, taona vao² taona feno fifaliana ihany koa.

Fa taona saika nanomboka t@ loza izay saika nanjo an’i dada raha nandray fiara fitateram-bahoaka izy, satria dia ny 08/01/2014 dia nieren-doza izy. Isaorana an’Andriamanitra lehibe tokoa izany. Nipetraka tao anaty fiara izy ary teo akaikin’ny fitaratra ety @ sisiny, ary rehefa nijanona iny ny fiara be ka ilay mifanesika maka ny entany eo ambony tafo ny olona dia vaky ny fitaratra ary vaky teo @ tarehin’i dada tsy alavitry ny masony ary teo @ tendany ihany koa, izay tsy dia alavitra ny carotide  izay teo @ ho sahabo ho 2cm miala teo (tena saika ratsy be). Ilay namaky fitaratra moa dia tsy hita fa dia rifatra nandositra ka dia ny mpamily sy ny mpanampy azy no nitondra an’i Dada tany à toeram-pitsaboana tsy alavitra teo ary dia nahazo fitsaboaha haingana izy. Ry zareo rahateo ihany koa no niantoka ny rehetra ary nanatitra an’i dada tany an-trano nony vita izany rehetra izany, tsy nametraka fitoriana moa i dada …………………..

Ny 12/01/14 kosa no nitodi-doha ho any Antsirabe ho any @ ranomafana i neny sy i Raelina hitsabo tena kosa. Faly aho fa mba nahatsiaro tena ho azy i neny, mba ho azy samy irery, fa tsy ho an’izay rehetra izao akory, ny azy mantsy dia tsaroany daholo i babay sy i Lohavohitra rehetra izao, fa ny tenany dia ataony tsinontsinona matetika, fa ity kosa dia mba ho azy irery ihany ka dia mahafaly ahy izany, sady tena ilainy tokoa fa aiza ka vao 66 taona monja izy dia mitady hitondra tehina sahady………

Izahay aty ampita kosa izahay 3 mianaka aloha dia salama tsara, tahaka ny mahazatra dia nahazo izay niriany sy notadiaviny i Maeva, t@ andron’ny Noely.

I Hoby kosa dia ao Paris ao seriny ery @ asa aman-draharaha sahaniny ao. Ny havana rehetra dia samy salama avokoa.

Irariana mba ho taom-pahasambarana ho antsika ity taona 2014 ity.

Ho anao mamangy eto dia tsy adio ihany koa ny mirary soa ho anao sy ny ankohonanao.


No comments

Ny Fitaizana

Tsy hitako aiz any hanombohana izy ity fa dia sahirana nys aiko ato,

Efa nanoratra momba ny sakan-taona ihany aho teo aloha fa dia tena miha mafy izy ato e! tsy miantso vonjy akory hihihi satria dia izay moa ilay mitaiza e!

Asa koa moa fa ity faramparan’ny taona ity dia ohatran’ny mandalo “sedra” izany ny fiainako fa vitako io e! tsy misy mafy tsy laitran’ny zoto hoy ny fitenenana izay,

Raha eo @ lafin’ny fiainana an-davan’andro indray moa dia niova ny fomba fiainanay satria dia manjary tsy manao “mozika” intsony i Maeva fa vizana hono izy!!! izany hoe azavaiko kely sady vizana izy no koa tsy afaka mandray azy intsony ny sekoly nianarany taloha fa voatokana ho an’ny mpiara monina ao @ io faritra io ihany ny fianarana ao izany hoe raha mponina avy aty ivelan’ny faritra dia mahazo mianatra ao ihany fa ny saram-pianarana koa dia midangana be ka tsy takatry ny aiko ka dia naleo dia najanona izy, sady mmhh zarany rahateo koa aza moa fa nanomboka leo nilalao violon hono izy fa hirahira no tena tiany atao indray, dia rafitra teo indray ny fitadiavana sekoly maika ary soa fa nahita sekoly tsara sady mba azo atao hoe mirary ihany ny sandany izahay dia ny La Voix Lactée izany. vao nianatraandro voalohany aloha izy dia somary menatra ihany satria efa misy somary kalaza ihany ao @ ilay fianarany, dia tsy sahy nihira izy, (ahoana no nahafantarako hoe tsy sahy nihira izy?? hihihiih satria aho nihaino tao ambadiky ny varavarana fa tsy hainy aho hoe tao!!!)

Dia izaho indray moa dia tena vao² be amiko mihintsy fa lasa manao fanatanjahan-tena in droa isan-kerinandro aho izao, izany hoe miezaka aho mandeha in droa izany ao anatin’ny herinandro na fara faharatsiny dia indray isan-kerinandro manao zumba na manao step ihany koa, fa ny loza dia t@ nanao step voalohany aho dia nijafajafa ny anmpitso taorian’ny nanaovana azy io fa dia naharary tanteraka ny kibon-dranjoko, tsy nahatsiaro tena ho vizaka aho anefa fa dia ny kibon-dranjoko ihany no tena tsy tantiko, nalona tao anaty rano mangatsiaka sy mafanaa ary norina t@ diclofenac fa samy tsy nisy nandaitra ireo, fa dia mbola mijafajafa ihany roa andro izao.

Tapaka indray ny aingam-panahiko nanoratra fa nisy sofin-danitra somary elaela ihany teo fa dia tohizana @ manaraka indray

 

 

 

 

 


No comments

10 taona lasa izay

Eny 10 taona lasa izay no nandao anay tokoa i Bébé Marivelo renin’i Neny, mandeha tokoa sy mihodina ny tany amam-bolana, toa ohatran’ny vao omaly izy no taty aminay taty Frantsa namangy nitsidika, vao teraka kelikely i Maeva t@izay asa angamba vao 2 taona raha tsy diso ny fitadidiako,

Mitamberina ato an-tsaina ny zava-nisy t@izany fotoana iznay, ny taona 2003 tokoa mantsy no fotoana nifanomezanay mianakavy taty teny hoe ndeh hanao rodo-be ho any an-tanàna mba hiala sasatra, sy hijery akaiky ihany koa ny fahasalaman’i Bébé fa sao tsy hahita azy eo intsony, kinanjo naleony nandeha talohan’ny nahatongavanay rehetra andro vitsy talohan’ny nahatongavanay tokoa izy no niala ity tany ity, herinandro monja, tsy tiany ho hitanay ngamba ny vatany efa tsy salama intsony fa tiany hipetraka ao an-tsainay sy ho lova ao anatinay kosa ny vatany tomady sy mbola matanjaka mmiaraka @ endriny sariaka sy mitsiky lava na dia inona manjo azy aza.

Tadidiko ny fihinanana vovo-dronono any @ Bébé, ny fihinanana soja ihany koa sy ny mofo katsaka sy ny hanikotrana isan-karazany rehefa avy mianatra fahiny, any no maka ny fanalahidy moa alohan’ny hodiana ao an-trano, dia faly ery rehefa hoe ho any @ i Bébe fa hahazo gouter aloha vao mody, na dia efa misy gouter miandry aza any an-trano dia hafa ihany ilay “any avaratra”,

Any any izao faly ery miaraka @ ilay Ray tsy toa narahiny sy arahintsika hatrany,

veloma mandra-pihaona Bébé an!


No comments

Io fihetseham-po io hoy aho…….

Ela tsy nandalo indray nefa dia vao² tsy dia tsara loatra no indro raiketina indray. Soa moa fa misy ny fifaneraserana miaraka @ itony solosaina itony fa raha tsy izany angamba dia tsy ho hay ny hamefy ny fo!

Niditra hopitaly ny Alarobia14/11/2012 teo mantsy i Neny ary tsy nivoaka raha tsy ny Alatsinainy 19/11/2012, dia ny antony nahatonga izany dia noho ity tosi-drà tsy dia mety ho marina loatra fa dia manao tahakan’ny dian-tsofa hoy i Dada izay, mbetina ambony ary mbetika ambany. Ny eritreriny moa no tena mahatonga azy manao toy izany, ahoana tokoa moa no hamehezana io eritreritra io?? fa ny manjo an’i Neny dia vinavinainy daholo ny hoavin’janany sy ny zafikeliny ka sahirana ambony ihany ny sainy mieritreritra izany, hoe hanao ahoana ireo rehefa tsy ho eo intsony aho?,! efa notenenina mantsy izy tsy hieritreritra izany nefa dia akory atao?!

Ny tena henjana na dia mifandray an-tsofin-davitra isan’andro aza izahay dia ilay fahatsapana hoe banga zanaka vavy eo anilany na dia misy ny zanaky ny mpiray tampo sy ny zao-bavy aza any dia tena tsapa fa tsy mitovy izany. Izaho zokiny koa no tena mahatsapa izay angamba e! asa noho izaho vehivavy veh? fa nasaiko nalain’ilay zandriko sary daholo ny tao @ efitra nisy an’i Neny tany @ hopitaly Girard et Robic ao @ ny pavillon Rocques ch 15., fa asa raha vitany ihany izay na tsia izao,….

Efa tonga any ihany koa ny bulbes de tulipes ka asa rahoviana no hanitrika azy an-tany ry zareo toa tsy fotoanany izao fa mafana any raha tsy diso aho ê! Tonga any ihany koa ny logitech g25 an’i Laidama ka dia raikitra ny run tsy an-kamaly skype ao hihihihihi,  variana milalao ao izy, ny an’i Chloé ihany koa efa tonga ny ordinateur keliny ahafahany milalao sy mianatra ihany koa, ny an’i Johary moa dia asa raha vitan-drainy na ny dadatoaany ihany ny nanamboatra ilay disc dur externe hilalaovany @ console wii-ny fa misy jeux efa tsy ho latsaky ny 30 anatiny any miampy ny cd efa ananany ihany koa.

Izay sy izay indray ary aloha ny tafasiriko anio fa miandry ny fety Noely indray isika izao e!


No comments

Noely 2011

Tonga indray ity ilay andro firavoravoana.

Efa nambarako teto ihany moa hoe somary nanao tsy dia salama tsara i dada volana vitsivitsy lasa izay, dia mba lasa ihany ny saina, ny tany fandalovana, ny toerana misy anay somary mifanalavitra ihany, koa dia tapaka ny hevitra fa ndeh hitsidika ny any an-tanindrazana kely aloha!

Tsy izaho loatra koa moa no nisaina ilay dia io fa i Maeva, hoy izy hoe sao mba tokony handeha hijery an’i dadabe tsy salama isika ry neny, zah mba te hiaraka aminy kely any hoy izy. Tany mena nefa tsy hirehitra hoy aho anan-kampo, ka dia tapaka ny hevitra fa dia ho i Maeva irery ihany no alefa, izaho sy i José handeha à andro hafa!!!! (asa rahoviana io hihih)

Teo am-pikarakarana ny dia dia efa maro ny sakantsakana, ggrrrr, nisy olana mantsy ny billat saika handehanan’i Maeva, raha efa tà volana octobre tany no efa niresaka t@ havana hoe handeha fa mila billet mora, kinanjo namotsotra ny tany efa volana desambra vao hay, teo vao nikorapaka, nisy fifandrifian-javatra ihany koa tao @ agence nividianana ny billet ka nanjavona ny billet efa voafandrika hiainga aty ny 17/12/2011, nahita toerana ihany anefa fa dia miala aty Lille ny 13/12/2011, nety ihany satria dia surprise ho azy mivady ray aman-dreniko ilay dia, tsy nampilazainay mihintsy mantsy ryz areo raha tsy efa tany anaty fiaramanidina i Maeva. Saika tsy nolazaina mihintsy anefa moa fa sao indray dia taitaitra eo izy ka dia nolazaina ihany, fa ny anadahiko anankiroa no efa nahalala, satria ry zareo no tsy maintsy hitsena an’i Maeva eny Ivato.

Ka faly ery hono i dadabe nahita saribakoly miteny hoe ‘bon anniversaire dadabe’ vao tonga, satria mantsy dia anniversairen’i dada ny 14 desambra, faly ery ry zareo fa mba teo daholo ny zafikeliny ananki-telo mianadahy. Nijanona kely tao Ivato aloha ziany moa i Maeva avy eo dia nanara-dia an’i Dama sy i Muriel ho any Toamasina, fa mba haka rivotra kely, toa hoe naharary kibo hoe tany (hihihihi) tsy mahagaga ahy fa tendan-kanina koa moa fa zava-baovao avy ny ho hita any kouhhh. Faly ery hono i Maeva any am-pialana sasatra any ary dia mivonona ny ho any isan-taona hono izy (mmhh mbola ketrika hafa koa izay)

Izay aloha ny anio fa à manaraka indray tohizana ny tantara raiketina an-tsoratra.


No comments

Oktobra

Dia tsy tana tokoa ny andro sy ny alina mifandimby fa dia misosa tokoa izany e!

Tsaroakoa tampoka teo fa nisy zavatra tokony noraiketiko tato dia varimbariana teo aho dia adinoko e!!!!

Nisy fotoana t@ fialan-tsasatra 2011 teo dia nisy fikorontanana tany Toamasina teo anivon’ny samy mpianatra, fisavorovoroana taoriana lanonana nisy tany izy io, ny faritra avaratra no nifanandrina t@ mpianatra avy any à faritra atsimo, nisy ny naratra ary nisy tovolahy 1 namoy ny ainy t@ izany fifanjevoana izany. Nandaha hampandry tany tany ny ray aman-dreny tao @ OTRIKAFO, anisan’ny nandeha tany ny raiko. Teny am-pandehanana anefa dia nisy lozam-pifamoivoizana izay soa fa nisy andry zareo nandalo mba hahafahan’ny tra boina ndeha ho tsaboina any @ toby, anisan’ny nitazona ilay naratra mba tsy ho sahirana tao anaty fiara ny dadako, asa nohon’ny fihetseham-po sy ny havizanana dia nony naraina ny andro raha hiomana iny izy dia toa nahatsiaro fanina, tsy tsaratsara ary dia nentin’ny namany teny @ hopitaly ho zahana aloha, ary dia nijanona tany izy ny alin’iny. Raha sendra tafaresaka t@ i neny aho ny hariva tahakan’ny fanaonay à skype dia hoy izy hoe:’antsoy hoe retsy i dada fa ohatran’ny vizana izy izay?’ dia nantsoiko tokoa aza, dia henoko t@ feo fa somary ‘hafahafa’ dia natsafaiko hoe:’ary ianareo tsy mbola nahavita ny fampandrian-tany akory dia efa misantatra ny betsabetsa?’ hihihi somary niomehy izy namaly ahy fa tsy dia tsaratsara loatra izy ary any @ hopitaly ny misy azy fa tsy manahy ary efa an-dalana ihany koa i Faly zandriko sy i dadafara Patou dokotera rahalahiny sy zandriny.

Izaho veh nahalala hoe tsy nahalala i neny hihihihih dia somary niteny kely aho fa tonga kosa dia henon’i Dama ilay zandrinay anankiray ny resakay mianaka ka somary tonga dia nasiaka kely izy niantso an’i neny hoe ‘efa hisakafo isika fa izao resaka izao veh tsy mety vita?’, nony lasa i neny vao niteny tamiko izy fa tsy mahalala zavatra i neny fa aza resahina aloha. Ouuupssss, avy teo koa aho nahazo ilay zandriko nitodi-doha ho any atsinanana hamonjy ny rainay. Voatsabo ara-dalàna izy ary tsy nisy atahorana ny aminy, ary die mbola be hatsikana ihany aza izy rehefa tafaresaka @ sofin-davitra izahay mianaka, tadidin’ny hatramin’ny hoe hanala fanadinana i Hoby fa aza lazaina aminy ny manjo ahy sao hikorontana ny sainy …… tsy inona akory fa itony aretina ggrr AVC itony ny nahazo ny dadako

Nandeha teny ny fitsaboana ary dia Isaorana ny Tompo fa dia  tena mahavita ny tokony ataony rehetra izy ankehitriny, na ny miteny izany (efa tsy adalan’ny zandriny intsony izy hoe manao fitenin’anadahin-dreny), na ny manoratra ihany koa.

t@ volana Septambra izany rehetra izany no niseho t@ 19/09/2011 raha ny tena marimarina kokoa, raiketiko ato mba ho tsiaro any aoriana any

Misaotra Tompo ô fa mbola hainao fa tsy mbola vita ny adidiny ety!


No comments

Aza mba manary toky!

Somary nisedra zava-tsarotra aho tato ho ato, ka nalaina nandalondalo tato ihany koa, nefa nohon’ny finoako, na dia marefo aza izany dia mino aho ary miandrandra hatrany fanampiana avy @ Ray tsy toha.

Naniasia no ondry, very, diso lalana, nefa dia mbola notsimbininy hatrany, inona tokoa reh no hasetriko izany e?

ity hira ity dia nanampy ahy betsaka tokoa,

Misaotra Tompo ô tsy manary!

Amen!


No comments

Shoan

Tsy zoviana amintsika intsony i Shoan, fa dia nanana ny anjara toerany lehibe teo @ diaspora Malagasy aty Frantsa izy, mpaka sary, mpanoratra lahatsoratra ihany koa, ary mpikambana ao @ gasy Tsy Very ihany koa,

Ndesin’ny fahafatesana tokoa mantsy izy rehefa avy niady mafy t@ aterina homamiadana, izay nikiky azy mangina tao, akory atao, apetrantsika an-tanan’ny Avo ny mandray azy hitoetra eo anilany.

Ny nahalalako an’i Shoan dia t@ fifaninanana http://www.bestofmalagasyblogs.com/, nandray anjara izy, ary nahafinaritra sy nanaitra ahy ny tao @ tranonkalany, ary dia nahazo loka moa izy t@ izany.

Ity lahatsoratra ity dia ho fisaorana azy t@ nahalalako azy, ny zavatra nentiny tamiko, dia ny fifankatiavana sy ny firahilahiana izany,

mahaiza mionona ry izy mianakavy

Mandria am-piadanana Shoan!


1 comment

13 mai 2010

Faly aho, izay no voalohan-teniko

Faly aho fa dia vita ny dingana faha 2 eo @ fiainana kristianina izay diavin’i Maeva zanako, tsy inona moa izany fa dia ny fandraisany ny komonio, natao komonio voalohany androany tokoa mantsy ikala e! mba efa niezaka sy nianatra nahafantatra ny tantaran’i Jesoa Zoky izy ary dia niteny fa vonona ny hanaraka ny diany koa dia roso koa izany ny dianay lehibe hiantsoroka izany miaraka aminy!

Hafaliana ihany koa satria dia natako fanahy iniana ho karazana ambohim-pihaonan’ny tiako sy ny tia ahy ity indray mitoraka ity, izany hoe niantso ny fianakaviana izay tratrako antso sy afaka namaly ny antsoko aho, ary ireo namana tapaka tsy mahafoy mifampizara ny manta sy ny masaka aty Lille, Isaorako manokana etoana ny mpianatra aty Lille ny @ izany izy ireo tokoa mantsy dia tanako faha 2 eo @ fiainako e! tahaka ny tsy irery ny zanako fa manana ireto zoky vavy maro sady taviny avy no volony hihihih. Noraisiko tahaka ny zandry zoky izy ireo mba hiarahana mamakivaky ny fiainana aty alavitra aty mantsy e!

Hafaliana ihany koa satria dia tonga tao ihany koa ny namako niaraka nianatra tamiko hatramin’ny 1990 ka hatramin’ny 1994, dia i Marie Noëlle izany. Efa somary ela ihany izahay mirahavavy no tsy nifankahita vatana na dia mifandray an-tsofin-davitra matetika ihany aza

Mbola fisaorana an’Andriamanitra ihany koa no atako nohon’ny fahatongavan’i Neny izay tonga nanotrona anay mianaka @ izao hafaliana izao, fahasoavam-pianakaviana tokoa ve moa ka tsy ho eo i Neny e!

Ny sary angamba dia mbola ho avy à manaraka ihany e!


No comments

Patsa 1 tsy omby vava

Tsy tena nanana fifaliana ny hiarahaba olona tratry ny taona aho t@ ity taona 2010 ity!! lasa somary sauvage kely veh?? tsia, tsy te hiteny fotsiny hoe : hitondra soa sy fanambinana ho antsika anie ity taona ity’, izay hatrany moa no hirariana anefa fa dia tsy te hiteny izay aho t@ ity indray mitoraka ity!!!!

 

Ny antony veh??

 

Mba nivoaka tahakan’ny fanaonay izahay ny alin’ny 31/12/2009 iny, mmh tena soa ny fiarahana, niaraka t@ malagasy taty Lille ihany, ny fiangonana katolika malagasy aty Lille moa no tompo-marika t@ izany fikarakarana izany, tena nahafa-po tanteraka, ny sakafo sy ny ambiansy dia tsy nisy nokianina fa tao à patsany tsara tokoa,

 

Ny indro kely nony vita ny fety!!!! teo no tankina ny dômiko!!!! nody t@ 4h30 izahay ny marainan’ny 01/01/2010! akory ny fahataizana raha nahita ny trano mirehitra jiro sy misokatra varavarana??????, tsy nino aloha aho t@ voalohany hoe nisy niditra tao an-trano, dia navelako aloha i José no niditra voalohany, niverina izy dia nilaza fa dia izay izany e! nanjavona tao daholo ny entana azo lazaina fa manana ny lanjany ara-bola amiko. Dia misy ny tsy matahotra ny atahorako lahy e!!!!!!!! izao mihintsy ilay tonga @ fitenenana hoe nisasatra ho an’ilaizafy aho hatrizay!!!!!, efa mba nifohy volo ery aho nanangona ireny entako lasan’ny mpangalatra ireny anefa!!!! akory atao e!!! mety haha sambatra an’ireo tsy valahara 1 andro angamba ny saran’ny entako fa dia fahaverezana tsy roa aman-tany amiko kosa, satria dia very t@ izany ihany koa ny firavako manontooolo, ohatran’ny tsy miakanjo aho ankehitriny tsy manana firavaka afatsy ny peratra tokana ety an-tanako sisa tavela!ary bracelet izay!

 

Angoniko ato ity hilazako fa tsy naharesy ahy akory ireo mpangalatra ireo satria dia mitraka hatrany aho fa tsy ketraka!!!!! haiko koa fa misy mpitsinjo hatrany ny diako sy ny fiainako, ka tsy ho ory aho eo @ fiainako.


2 comments